Xnews — ақпарат агенттігі Әлем және Қазақстанның соңғы жаңалықтары
Әлемдік деңгейде орын алған эпид ахуал кейбір кәсіпкерлердің ісіне кері әсер етсе, енді біреулеріне жаңа жобаларды жүзеге асыруына ықпал етті. Карантинде қарап жатпай ауылшаруашылығы саласындағы білімін бизнеспен ұштастырған жандардың бірі Жетісайлық Қозыбай Әшеков. Жылы су ауыл округінің тұрғыны ұлы Алтаймен бірге босаған баклашкалардан мақта теретін комбайнға аса қажетті шпиндельді щетка шығарып жатыр.
Бұған дейін мұндай щетканы көршілес Өзбекстаннан тапсырыспен алып келген механизаторлар ауыл азаматының бұл ісіне дән разы. Жергілікті өнімнің сапасының жоғары, бағасы да қолжетімді. Бір комбайнға 96 дана кететін бір маусымға жарамды өзбекстандық щетканың әрбір данасы базар нарығында 4 мың теңге болса, Қозыбай Әшековтың өнімі одан иекі есеге Әрі екі маусымға жарайды. Қолдағы барымен кәсіп ашқан азамат алдағы уақытта мемлекеттік қолдау мен несие алуға ниетті.
Қозыбай ӘШЕКОВ — кәсіпкер
Бүгінде қол күшімен ғана жұмыс жүргізіп отырған азаматтар күніне 25 данаға дейін шпиндельді щетка жасап жатыр. Өткен жылы 28, биыл 40-қа тарта комбайнға өнім дайындалды. Тапсырыс күн санап артып отыр. Демек, қажеттілік бар.
Айта кетейік, Қозыбай Әшековтың отбасы шпиндельді щетка шығарумен ғана емес, сонымен қатар, жылы жай, бау-бақша өсіру ісін де қолға алған. Бүгінде ауылдың 60 пайызын жыл бойы көкөніспен қамтамасыз етіп келеді. Елдегі шағын және орта бизнесті дамыту мақсатында қабылданған мемлекеттік бағдарламалар жеке кәсіппен шұғылданамын, кәсібімді кеңейтемін деушілерге барлық мүмкіндіктерді беріп отыр. Бұл елдегі жұмыссыздықты жоюға оң әсері етері сөзсіз.
