Түркістанға TURKPA халықаралық байқаушылары келді — Xnews — ақпарат агенттігі

Түркістанға TURKPA халықаралық байқаушылары келді

в Түркістан облысы, Қоғам 14.03.2026 72 Просмотров

Қазақстан Республикасындағы республикалық референдумның өту барысын бақылау мақсатында Түркістанға TURKPA халықаралық байқаушылары келді.

Делегация құрамында Түркия Ұлы Ұлттық Мәжілісінің депутаттары Тахир Акююрек, Филиз Кылыч, Кадим Дурмаз, сондай-ақ TURKPA Хатшылығының Сыртқы байланыстар және протокол департаментінің қызметкері Еркан Дурдулар, TURKPA Комиссиясының хатшысы Кадир Яман, TURKPA-ның зерттеу жөніндегі сарапшысы Камила Музаффарлы бар. Делегация мүшелері Түркістан облыстық референдум комиссиясының төрағасы Аңсар Өсербаев және комиссия мүшелерімен кездесті.

Кездесу барысында комиссия мүшелерінің біліктілігі және референдум учаскелерінің дайындығы талқыланды. Түркия Ұлы Ұлттық Мәжілісінің депутаты Филиз Кылыч Түркия мен Қазақстан арасындағы достық әрі бауырластық қарым-қатынасты атап өтіп, референдумның барлық заң талаптарына сай жоғары деңгейде өтуіне тілектестік білдірді.

Республикалық референдумды Түркістан өңірі бойынша ұйымдастыру және өткізу үшін 948 референдум учаскесі жұмыс істейді. Дауыс беру құқығына ие азаматтар саны – 1 187 257, бұл өңір халқының 55,4 пайызын құрайды.

x

Check Also

Түркістанда 570 төсек-орындық көпбейінді аурухананың құрылысы қарқынды жүріп жатыр

Түркістан қаласында өңірдің денсаулық сақтау саласындағы ірі инфрақұрылымдық жобалардың бірі – 570 төсек-орындық көпбейінді аурухананың құрылысы жалғасуда. Бүгінде құрылыс-монтаждау жұмыстарының ...

Түркістан облысы АҚШ компанияларымен ынтымақтастықты нығайтады

Түркістан облысының әкімі Нұралхан Көшеров АҚШ-тың Алматы қаласындағы Бас консулы Питер Кауфманмен кездесті. Кездесуде өңіраралық ынтымақтастықты дамыту, америкалық инвестицияны тарту, ...