Xnews — ақпарат агенттігі Әлем және Қазақстанның соңғы жаңалықтары
Шымкент қаласында ауқымды инвестициялық жобаны жүзеге асыруға мүдделі Түркияның Çalık Holding компаниясы өкілдерімен «Shymkent Invest – Front Office» бас директоры Дінмұхаммед Әбдірбекұлының және «Kazakh Invest» ҰК» АҚ-ның Шымкент қаласы бойынша өңірлік директоры Өміржан Ерланұлының қатысуымен кездесу өтті.
Çalık Holding — Түркияның жетекші көпсалалы холдингі. Компания тоқыма, энергетика, құрылыс және инвестиция салаларында жұмыс істейді, энергетикадағы жалпы қуаты 1 000 МВт-тан асады. Холдинг 20-дан астам елде ірі халықаралық жобаларды жүзеге асырып келеді.
Компания өкілдері Шымкент қаласында инвестициялық жобаларды іске асыру мүмкіндігін қарастырып, қаланың әлеуметтік-экономикалық әлеуетімен танысты. Сондай-ақ, жобаға қолдау көрсетуге, қажетті инфрақұрылыммен қамтамасыз етуге және шетелдік серіктестерге жан-жақты көмек көрсетуге дайын екеніміз айтылды.
Аталған бастама Шымкенттің индустриялық әлеуетін арттырып, жаңа технологияларды енгізуге, сондай-ақ қосымша жұмыс орындарын ашуға мүмкіндік береді.
