Xnews — ақпарат агенттігі Әлем және Қазақстанның соңғы жаңалықтары
ҚР Еңбек және халықты әлеуметтiк қорғау министрлiгiнiң (бұдан әрi – ЕХӘҚМ) қызметкерлерi «Мүгедектiкке жаңаша көзқарас» интерактивті шеберлік сыныбына қатысты. Оның мақсаты мүгедектігі бар адамдармен жұмыс істейтін мамандарға заманауи тәсілдерді қолдануға, дұрыс терминдерді пайдалана білуге және ізгі әрі кәсіби қарым-қатынас орнатуға көмектесу,-деп хабарлайды Xnews.kz ақпарат агенттігі Қазақстан Республикасы Еңбек және халықты әлеуметтік қорғау министрлігіне сілтеме жасап.
Іс-шараға ҚР Еңбек және халықты әлеуметтік қорғау вице-министрі Виктория Шегай, ведомствоның мамандандырылған департаменттері, сондай-ақ ЕХӘҚМ Халықты әлеуметтік қорғау саласындағы реттеу және бақылау комитетінің басшылары мен қызметкерлері қатысты. Сабақты ҚР Еңбек және халықты әлеуметтік қорғау министрінің штаттан тыс кеңесшісі Захира Бегалиева жүргізді.
Мастер-класс қатысушылары мүгедектік деген не, оны түсінудің үлгілері – қайырымдылық, медициналық, әлеуметтік және құқықтық мәселелерін талқылады. Олар мүгедектігі бар адамдармен сыпайы қарым-қатынасты қалай дұрыс құру керек және қандай терминологияны қолдану керек деген сұрақтарды қарастырды. Бағдарламада материалды бекітуге көмектесетін практикалық жаттығулар да болды.
Мұндай шеберлік сабақтарын өткізу ЕХӘҚМ-нің қызметкерлердің біліктілігін арттыру және халықтың осал топтарымен жұмыс істеудің заманауи әдістерін енгізу бойынша жүйелі жұмысының бір бөлігі болып табылады. Бірыңғай терминология мен жаңа тәсілдер мамандарға тиімдірек өзара әрекеттесуге және әлеуметтік қызметтерді алудың барлық кезеңдерінде мүгедектерге сапалы қолдау көрсетуге көмектеседі.
Айта кету керек, мүгедектерді қамту және құқықтарын қорғау саласындағы мемлекеттік қызметкерлердің құзыреттерін дамыту Қазақстан Республикасының 2025–2030 жылдарға арналған инклюзивті саясат тұжырымдамасының міндеттерінің бірі болып табылады.
