Xnews — ақпарат агенттігі Әлем және Қазақстанның соңғы жаңалықтары
Түркістан қаласы әкімдігінің ұйымдастыруымен экологиялық мәдениетті қалыптастыру мақсатында «Өнегелі ұрпақ» атты ауқымды іс-шара өтті. Шараға қаладағы жоғары және орта арнаулы оқу орындарының 500-ден астам студенті мен жас депутаттар белсене қатысты.
Экологиялық бастама аясында қатысушылар Қызылорда тас жолының бойымен өтетін Қарашық өзенінің айналасын тұрмыстық қалдықтардан тазартты. Бұл жұмыстар арқылы жастар табиғатты қорғауға өздерінің азаматтық үлестерін қосты.
Игі шараның негізгі мақсаты – жас ұрпақты қоршаған ортаны аялауға, тазалық пен тәртіпке баулуға, табиғатқа жанашыр болуға және ұрпақтар сабақтастығын дәріптеуге бағытталды.
Қала тұрғындарын табиғатқа бейжай қарамай, Қарашық өзенінің маңын таза ұстауға, қоршаған ортаға жауапкершілікпен қарауға шақырамыз.
Таза қала – ортақ міндет!
