Xnews — ақпарат агенттігі Әлем және Қазақстанның соңғы жаңалықтары
Дүниежүзілік денсаулық сақтау ұйымы алдағы жылдары жатыр мойны обырының таралуы мен одан болатын өлім-жітім көрсеткіші артуы мүмкін екенін болжап отыр. Бұл дерттің негізгі себептерінің бірі – адам папилломасы вирусы.
Қазақстанда жатыр мойны обыры көбіне 45 пен 54 жас аралығындағы әйелдер арасында анықталады. Күн сайын елде осы аурудың беске жуық жаңа жағдайы тіркеледі. Мамандардың айтуынша, ауруды ерте кезеңде анықтау арқылы оны тиімді емдеуге мүмкіндік бар.
Осы мақсатта елімізде 30-70 жас аралығындағы әйелдерге тұрақты түрде скринингтік тексерулер жүргізіледі. Әр төрт жыл сайын әйелдер ПАП-тест тапсырып, жатыр мойнындағы өзгерістерді ерте кезеңде анықтай алады.
Сонымен қатар, жатыр мойны обырының алдын алуда вакцинация ерекше рөл атқарады. Биылдан бастап Қазақстанда 14-17 жас аралығындағы қыздарға қосымша вакцинация жүргізу қолға алынды. Бұл шара қыз балаларды қауіпті инфекциядан қорғап, болашақта онкологиялық аурулардың азаюына ықпал етеді.
Денсаулық сақтау мамандары вакцинация мен скринингті қатар жүргізу әйелдердің өмірі мен денсаулығын сақтаудың ең тиімді жолдарының бірі екенін атап өтеді.
Толығырақ: https://www.youtube.com/watch?v=r74yjZQcg5Y
#РСКШЫМКЕНТ #БРИФИНГ
Анықтама
Адам папиллома вирусы (АПВ) – 200-ге жуық түрді қамтитын тұқымдас вирустарға жатады. Кейбіреулері адам денсаулығына салыстырмалы түрде қауіпсіз, басқалары онкологиялық процестің дамуын белсендіре алады.АПВ сыртқы жыныс мүшелерінің аурулары арасында ең көп таралған және агрессивті патология. Вирус көмей мен ауыз қуысының, тік ішектің, вульваның және қынаптың, жатыр мойнының қатерлі ісігінің дамуын қоздырады. АПВ инфекциясы ұзақ уақыт бойы симптомсыз болып, ауыр зардаптарға әкелуі мүмкін.
АПВ жұқтырған кезде пайда болатын аурулар:
• Жыныс сүйелдерінің пайда болуы;
• Тыныс алу жолдарының папилломатозының дамуы;
• Ісік процесінің дамуымен жыныс мүшелерінің зақымдануы.
Көптеген адамдар аурудың клиникалық көрінісінсіз патогенді тасымалдаушы бола алады.АПВ-ны адам өмірінде қайталап жұқтыруы да мүмкін. Өйткені АПВ инфекциясынан айыққандардың барлығында вирусқа төзімділік қалыптаса бермейді. Көбінесе, аурудың клиникалық белгілері ерте кезеңдерінде пайда болмайды. Әдетте алғашқы белгілері қоздыратын факторлардың әрекетінен кейін пайда болады.
Онкогенді қаупі бар HPV штамдары:
• Жоғары онкогенді қауіпті штаммдар (16, 18, 31, 33 және т.б.);
• Төмен онкогенді қауіпті штаммдар (6, 11, 32, 40-44, 72);
Вирустардың төмен онкогенді штамдары денеде сүйелдер мен тері папилломаларын пайда болдырады. Вирус штаммдарының жоғары онкогенді түрлері аногенитальды аймақта, әйелдерде жатыр мойнында және ерлерде жыныс мүшесінде кондиломалардың пайда болуын тудырады. Ағзаға вирустың 16, 18, 31, 33 типті штамының ұзақ уақыт әсер етуінен жатыр мойны дисплазиясына және одан да ауыр ауруға – жатыр мойны обырына әкелуі мүмкін.
