Xnews — ақпарат агенттігі Әлем және Қазақстанның соңғы жаңалықтары
Қазақстан Республикасы Журналистер одағының «Қазақстанның Құрметті журналисі» атағы Шымкент ақпарат орталығы» ЖШС директорының орынбасары, белгілі журналист Бақтияр Тайжанға берілді.
Аталған марапат бұқаралық ақпарат құралдары саласын дамытуға қосқан елеулі үлесі, кәсіби қызметтегі жоғары жетістіктері және отандық журналистиканың өркендеуіне сіңірген еңбегі үшін табысталды.
Бақтияр Тайжан ұзақ жылдар бойы ақпарат саласында нәтижелі еңбек етіп, қоғам мен мемлекет арасындағы тиімді коммуникацияны қалыптастыруға, өңірлік журналистиканың сапасын арттыруға және ақпараттық саясатты жүзеге асыруға өз үлесін қосып келеді. Оның кәсіби тәжірибесі мен шығармашылық еңбегі әріптестері мен қоғам тарапынан жоғары бағаланып отыр.
Бұл марапат – журналистің көпжылдық еңбегіне көрсетілген құрмет пен кәсіби қызметінің жоғары бағалануының айғағы.
«Шымкент ақпарат орталығы» ЖШС ұжымы Бақтияр Байдуллаұлын мәртебелі марапатымен құттықтап, шығармашылық табыс, зор денсаулық және кәсіби қызметіне толағай жетістіктер тілейді.
«Шымкент келбеті»
