Xnews — ақпарат агенттігі Әлем және Қазақстанның соңғы жаңалықтары
ҚР Президенті Қасым-Жомарт Кемелұлы Тоқаев жалпы ұлттық телекөпір аясында Шымкент қаласындағы Tashenev University базасында Tomorrow School жұмысын іске қосты. Ашылу салтанатына Цифрландыру басқармасының басшысы Мұхит Кемелов және Tashenev University Басқарма төрағасы Оңалбай Аяшев қатысты.
Tomorrow School жобасының басты ерекшелігі – қолжетімділігі мен практикалық бағыты, яғни, мұнда оқу – тегін. 18 жастан асқан жастарға, соның ішінде IT саласында алғашқы қадам жасаған шәкірттерге арналған.
Оқудың соңында халықаралық деңгейдегі сертификаттар беріледі, ал бағдарламалар нақты нарық сұранысына негізделген тәжірибелік кейстер арқылы жүзеге асырылады.
Соңғы 7 күннің өзінде университет студенттері мен өңірдегі басқа да жоғары оқу орындарының студенттерінен 150-ден астам өтінім келіп түсті.
Шымкент қаласы әкімінің баспасөз қызметі
