Xnews — ақпарат агенттігі Әлем және Қазақстанның соңғы жаңалықтары
Бүгін Жетісай ауданында референдум барысында дауыс беруге келген тұрғындарға көтеріңкі көңіл-күй сыйлау мақсатында аквагрим жасалды. Шара барысында балалар мен тұрғындар ерекше безендіріліп, мерекелік атмосфера қалыптасты.
Сондай-ақ, Қазығұрт ауданына қарасты Қызылқия ауылы округіндегі №295 учаскеде «Аквагрим» акциясы аясында сайлаушылар дауыс берді. Аталмыш ауылдың тұрғындары өз таңдауларын жасаудан бөлек, шығармашылықпен де танысып, түрлі-түсті суреттер және бояулармен беттерін сәндеп, көңіл-күйін көтерді.
Мәдени шара мен саяси науқанның бірлесуі тұрғындарға ерекше әсер қалдырып, референдум учаскесінің атмосферасын мерекелік көңілмен толықтырды. Мұндай іс-шаралар азаматтық жауапкершілікті арттыра отырып, сайлаушыларға дауыс беруді тек борыш емес, сонымен қатар қызықты және есте қаларлық тәжірибе ретінде көрсетуге бағытталған.
Түркістан облысының Өңірлік коммуникациялар қызметі
