Xnews — ақпарат агенттігі Әлем және Қазақстанның соңғы жаңалықтары
Жаңа Конституцияны қолдап, осы елдің азаматы ретінде дауыс бердік.
Ата Заң-еліміздің адастырмайтын бағыты, жол көрсететін темірқазығы.
Дүние асты-үстіне түсіп, әлем аласапыран болып жатқан бүгінгі күнде бейбіт өмір тілейтін барша қазақстандықтардың қолдауы өте маңызды болмақ. Жаңа Конституция маңызы жөнінде Мемлекет Басшысы Қасым-Жомарт Тоқаев барлық деңгейден мәслихат депутаттарының ІІІ республикалық форумында айтты.
«Біз бір ел болып жаңа кезеңге қадам бастық. Мемлекеттік мекемелер жекелеген басшылардың қалауына қарай емес, Конституцияға және тиісті заңға сәйкес жұмыс істейді. Саяси жаңғырудың мән-маңызы да – осында.
Мемлекеттік биліктің табиғи, яғни эволюциялық жолмен дамуы мызғымас сипатқа ие болды. Бұл маңызды жұмысты тоқтату, тіпті, өткенді кері қайтару да мүмкін емес. Себебі халық ондайға жол бермейді. Мен бұған кәміл сенемін.
Бүгінде мемлекеттік құрылымның жаңа үлгісі ұсынылып отыр. Соған сәйкес биліктің барлық тармағы шешім қабылдаған кезде бірдей тәуелсіз болады. Ал Президент олардың кедергісіз, үйлесімді жұмысын қамтамасыз етеді.
Еліміздің басты өкілді органы – Құрылтайдың құзыреті кеңейе түседі. Бір палаталы Парламент тиімді заң шығару қызметін жүзеге асыруға мүмкіндік береді.
Әлемдік тәртіп пен ішкі реформалар түбегейлі өзгеріп жатқан кезеңде заманауи сын-қатерлерге дер кезінде төтеп беру бәсекеге қабілетті мемлекеттің басты сипатына айналды. Сондықтан бұл шешімнің маңызы зор», — деді Президент.
Яғни, Ата Заңымыз мемлекетімізді биік белестерге бастай берсін!
