Xnews — ақпарат агенттігі Әлем және Қазақстанның соңғы жаңалықтары
Шымкент қаласында қоғамдық көлік қызметін жетілдіру бағытында жүйелі жұмыстар жүргізілуде. Жуырда №150 және №146 бағыттарға 30 жаңа Yutong маркалы автобус жолға шықты. Бұл автобустар — Қазақстанда, Қарағанды қаласында құрастырылған отандық өнім. Жаңа тасымалдаушы – «Bozjorga Bus» ЖШС қызмет көрсетуде. Бұл туралы бүгін, Шымкент қаласы әкімдігінің ресми өкілі, қала әкімінің орынбасары – Сәрсен Абайұлы Құранбек мәлімдеді,-деп хабарлайды Xnews.kz ақпарат агенттігі Шымкент қаласының Өңірлік коммуникациялар қызметіне сілтеме жасап.
Қала әкімдігі тарапынан бәсекелестік орта қалыптастыру арқылы көлік сапасын арттыру, жолаушылардың қауіпсіздігін қамтамасыз ету көзделіп отыр.
Сондай-ақ, Еңбекші ауданы Қойкелді батыр – Ақназархан көшелеріндегі теміржол өткелі 23 қыркүйекте қайта жөнделіп, пайдалануға берілді. Жөндеу жұмыстары 5 ай ішінде аяқталып, өткелдің барлық негізгі құрылымдары жаңартылды. Бұл – қаладағы көлік қатынасын едәуір жеңілдетуге бағытталған маңызды жоба.
Жақында қала тұрғындарының ұсыныстарына сәйкес қоғамдық көлік қозғалысына бірқатар өзгерістер енгізілді. №45 маршруттың сызбасы түзетіліп, екі бағытта қызмет көрсететін болады. Атап айтқанда:
• №45 бағыт «Достық» шағынауданы – Төлеби көшесі аралығында қатынайды;
• №45А бағыт «Достық» шағынауданы – «Гиппер Хаус» сауда үйі аралығында қызмет көрсетеді.
Сонымен қатар жолаушылар сұранысын ескере отырып, «Сайрам-ЖТС» ЖШС-гі қызмет көрсететін №206 шағын автобус бағытының кестесі толықтырылды. Енді:
• жұмыс күндері – 7 кестемен;
• сенбі, жексенбі және мереке күндері – 4 кестемен ұйымдастырылып, тұрғындарға қолайлы жағдай жасалады.
Бұл өзгерістер қала тұрғындарының күнделікті қатынасын жеңілдетуге және қоғамдық көлік қызметінің сапасын арттыруға бағытталған.
