Xnews — ақпарат агенттігі Әлем және Қазақстанның соңғы жаңалықтары
Бүгін Сауран ауданында «Таза Қазақстан» республикалық акциясы аясында Майдантал ауылдық округінінде сенбілік жұмыстары өткізілді,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Ауданда тазалық аптасы күнделікті жүргізіліп келеді. Тазалықты жанына серік еткен саурандықтар тазалық жұмыстарына белсенді қатысып, ортақ мекеннің көркеюіне өз үлестерін қосуда.
Мемлекет басшысының тапсырмасымен бастау алған экологиялық акция қоршаған орта мен тұрғындар үшін қолайлы жағдай жасауға, азаматтық жауапкершілікті арттыруға, экологиялық мәдениетті қалыптастыруға бағытталған. Осыны ескерген Майдантал ауылдық округінің тұрғындары эко акцияға белсенді қатысты.
Акция нәтижесінде 8 тонна қоқыс шығарылды. Қызу тазалық жұмыстарына 50-ге жуық адам қатысты. Оған 1 техника жұмылдырылды. Сенбілікте таулы аймақтың жол бойлары мен айналасын тазартып, өзен мен ағын су аумақтары қатты тұрмыстық қалдықтардан тазарту шаралары кеңінен қолға алынды.
