Еңбекші ауданында аулаларда тазалық жұмыстары жүргізіліді

«Таза аула» экологиялық акциясы аясында қаладағы көпқабатты үйлердің аулалары ретке келтіріліп, тазалық жұмыстары жүргізілді,-деп хабарлайды Xnews.kz ақпарат агенттігі Шымкент қаласы ішкі саясат басқармасына сілтеме жасап.

Еңбекші ауданы Әлімбетов көшесіндегі көпқабатты үйлердің аулаларында өткен тазалық іс-шарасына еріктілер, аудан әкімдігінің қызметкерлері, тұрғындар және аудандық коммуналдық мекемесінің жұмысшылары қатысты.

Іс-шараға қатысушылар бұталарды кесу, шөптерді ору, ағаштарды әктеу, ойын алаңдарын сырлау жұмыстарын атқарды. Атап айтқанда, 11 шағынаудандағы №201, 203, 205, 207 көпқабатты үйлердің аулалары ретке келтірілді.

Еңбекші ауданы әкімінің орынбасары Ерлан Күзенбаевтың айтуынша, қазіргі уақытта аудандық коммуналдық мекемесінің қызметкерлері тазалық жұмыстарын ұдайы өткізіп келеді. Олардың жұмыстары 9 секторға бөлінген. Коммуналдық мекеме өкілдері тұрғындардың шағымы негізінде де санитарлық жұмыстарын атқаруда. Сондай-ақ, коммуналдық мекеме жұмысшылары мобильді топтармен бірге кешкі және түнгі уақыттары да тазалық іс-шараларын өткізеді.

Экологиялық акция барысында тұрғындар іс-шараны ұйымдастырушыларға алғысын жеткізді.

x

Check Also

«Жаңа өмір» жобасы – жақсылықтың жаршысы

Шымкентте пробация қызметі есебінде тұрған жастарға арналған «Жаңа өмір» жобасы аясында бірқатар жұмыс жүргізіліп, нәтижелі жүзеге асып отыр. Жыл басында ...

Шымкенттің сүт өнімдері әлемдік нарыққа экспортталады

Қала аумағында қазіргі уақытта ауыл шаруашылығы өнімдерін қайта өңдеуші 50-ден астам кәсіпорын жұмыс істейді. Оның ішінде, сүтті қайта өндеумен айналысатын ...