Түркістан облысының әкімі жұмыс сапарымен ташкентке барды

ҚР Премьер-Министрінің орынбасары Роман Склярдың басшылығымен Орталық мемлекеттік органдар басшылары және Түркістан облысының әкімі Өмірзақ Шөкеевтің қатысуымен қазақстандық делегация Өзбекстан Республикасының Ташкент қаласына ресми сапармен барды.

Делегация құрамына министрліктердің, тиісті құрылымдардың және Түркістан облысы әкімдігінің өкілдері кірді. Екі ел делегациясы сауда-экономикалық ынтымақтастықты одан әрі тереңдету жөніндегі кешенді мәселелерді талқылады. Өзара тиімді ынтымақтастық бойынша келісімдерге қол жеткізілді.

Кездесу барысында Түркістан облысының әкімі Ө.Шөкеев, Өзбекстан Республикасы Премьер-Министрінің бірінші орынбасары А. Раматов және «Узбекистон темір йуллари» АҚ Басқарма төрағасының міндетін атқарушы Х. Хасилов «Түркістан – Шымкент – Ташкент» бағыты бойынша жүйрік теміржол жолаушылар қозғалысын ұйымдастыру жобасын талқылады.

Айта кетейік, аталған жобаны жүзеге асыру халықаралық тасымалдау мен бірлескен туризмді дамыту үшін үлкен маңызға ие. Бірінші кезекте жоба Түркістанға туристерді тартуға және дамытуға негіз болады.

Сондай-ақ, Өмірзақ Шөкеев ӨР-ның Су шаруашылығы министрі Ш.Хамраевпен кездесті. Тараптар Өгем өзенінде жалпы қуаты 220 МВт су электр станциясының каскадын салу мәселесін талқылады.

Өңір басшысы сапар барысында Өзбекстан Республикасының Премьер-Министрі А.Ариповпен кездесіп, оған Мақтаарал ауданындағы ТЖ кезінде көрсеткен қолдауы үшін алғысын білдірді.

Пікір қалдыру

Сіздің почтаңыз көрінбейді. Толтыру міндетті *

*

x

Check Also

Түркістан облысында инвестициялар көлемі 37,4%-ға артқан

Бұл туралы брифингте ҚР Стратегиялық жоспарлау және реформалар агенттігі Ұлттық Статистика бюросының Түркістан облысы бойынша департаменті басшысының міндетін атқарушы Нұрқожа ...

Түркістанда су тасқынына қарсы оқу-жаттығу жиыны өтті

Көктемгі су тасқынына дайындық аясында қала әкімі Әзімбек Пазылбекұлының қатысуымен «Көктем-2025» Республикалық командалық штабтық оқу-жаттығуы өтті. «Дабыл-1001» сигналы бойынша облыстық ...