Xnews — ақпарат агенттігі Әлем және Қазақстанның соңғы жаңалықтары
Шымкент қалалық денсаулық сақтау басқармасы бүгін коронавирустан көз жұмған науқас туралы мәліметпен бөлісті, деп хабарлайды Xnews.
Марқұм — 1942 жылғы әйел адам, Шымкент қаласы Абай ауданының тұрғыны.
«ЖРВИ, пневмония диагнозымен 78 жастағы науқас жедел жәрдем көлігімен қалалық жұқпалы аурулар ауруханасына жеткізілді. ПТР диагностикалық зерттеу нәтижелері бойынша COVID-19 диагнозы нақтыланды. 29 сәуірде науқастың жағдайы күрт нашарлап, жан сақтау бөліміне ауыстырылып, жасанды тыныс алу аппаратына қосылды. Қосымша дерттері бар: 3-дәрежелі артериалды гипертензия, созылмалы бронхит, жоғары тәуекелдегі топтағы науқас», делінген хабарламада.
Ол емдік шаралардың толық жиынтығын алды. Дәрігерлер жасаған барлық реанимациялық шараларға қарамастан 3 мамырда сағат 10:20 уақытында науқас қайтыс болды.
Осылайша, елімізде коронавирустан қайтыс болғандардың саны 27-ге жетті.
