Мақтааралда екі ауыл түгелдей басқа жерге көшірілуі мүмкін

Су шайған Мақтаарал ауданындағы Жеңіс және Жаңатұрмыс ауылдарын басқа орынға көшіру мәселесі қаралып жатыр. Бұл туралы бүгін Түркістан облысы әкімінің орынбасары Сәкен Қалқаманов айтты.

«Мұны тұрғындар сұрады. Әкімдіктің ұсынысы да болды. Жаңатұрмыс және Жеңіс ауылдарын басқа жерге көшіру мәселесі қаралып жатыр. Ең төмен жақта орналасқандықтан, алғаш болып су тасқыны зардабын тартқандар да сол ауылдар. Сол елдімекендердегі барлық үйді басқа жерге көшіруге қазір учаске іздеп жатырмыз. Облыс әкімі мен мемлекеттік комиссия шешімін күтудеміз», — деді С. Қалқаманов Facebook парақшасында жүргізген тікелей эфирде.

Еске салайық, 6 127 тұрғыны бар 5 елдімекен — Жаңа тұрмыс, Жеңіс, Фирдоуси, Өргебас, Достық ауылдары толығымен су астында қалған. 14 елдімекеннен 31 606 тұрғын эвакуацияланды.

Пікір қалдыру

Сіздің почтаңыз көрінбейді. Толтыру міндетті *

*

x

Check Also

Түркістан: Қалалық сот төрағасы тағайындалды

Бүгін қала әкімі Әзімбек Пазылбекұлы Түркістан қалалық сотының төрағасы Лебаев Әділбек Ғұламұлын таныстырды. Сондай-ақ, Президенттің 2025 жылғы 10 ақпанындағы №778 ...

Түркістан облысында экологиялық мәдениетті арттыруға арналған «Бұл сенің туған өлкең» акциясы жүзеге асады

Бүгін Түркістан облыстық жастар ресурстық орталығында «Жасыл ел» жастар ұйымының мүшелері мен белсенді жастар бас қосып, жылдық жоспарды талқылады. Жоспарға ...