«Бәрі қамалды». Ернар Айдар өзінің ұсталуына қатысты пікір білдірді

Жалған ұтыс ойынын ұйымдастырушыларға қатысы болған әнші Ернар Айдар ел алдында шығып, өз басына түскен қиын жағдайды түсіндірді, деп хабарлайды Xnews.

Instagram-дағы парақшасына жүктеген видеода әнші қолына телефон жаңа ғана тиіп, өзі туралы желіде талқыланып жатқан мәселеге назар аударуға енді мүмкіндік туғанын айтады.

«…Ең бірінші кезекте, мен үшін уайымдап, маған қолдау білдіріп жатқан барша ағайынға алғысымды білдіремін. Ал осы істің ақ-қарасын ажыратпай жатып, мені сөз қылған адамдарға Алла сабыр берсін! Қазір сол жалған ұтыс ойынын ұйымдастырғандар қамауда. Тергеу жүріп жатыр. Оны Алматы бойынша Экономикалық тергеу департаменті жүргізіп жатыр. Мен де өз тарапымнан бұл тергеу ісіне қолымнан келгенше көмегімді беріп жатырмын. Сол тірлікке жарнама жасаймын деп мен де алданып қалдым, ағайын. Баршаңызға жақсылық тілеймін, барлығы әділ өтеді деген сенімдемін», — дейді Ернар Айдар видеода.

Ал, мұның алдында Мейрамбек Бесбаев Ернар Айдардың алаяқтардың құрбаны болғанын айтқан еді. 

Еске салайық, 24 сәуірде әнші Ернар Айдар карантин режимін бұзғаны үшін ұсталғаны хабарланған. Алматылық полицейлердің мәліметінше, Ернар Айдар және тағы 12 адам бір ғимаратқа жиналып, тікелей эфирде ұтыс ойнатқан.

Пікір қалдыру

Сіздің почтаңыз көрінбейді. Толтыру міндетті *

*

x

Check Also

Олжас Бектенов сарапшылармен бірге салық реформасы және цифрландыру арқылы әкімшілендіру мәселесін талқылады

Премьер-министр Олжас Бектенов сарапшылармен және бизнес өкілдерімен салық реформасы мәселесін талқылады. Премьер-министр Мемлекет басшысының тапсырмасын іске асыру аясында ұсынылған шаралар ...

Салық реформасы баршаға тиімді болуға тиіс

Қосылған құн салығына (ҚҚС) қатысты халық арасында әлі де сұрақ көп. Бұл мәселені сан-саққа жүгіртудің қажеті жоқ, байыппен қарап, кәсіби ...