Xnews — ақпарат агенттігі Әлем және Қазақстанның соңғы жаңалықтары
6-9 мамыр күндері аралығында Темірлан ауылы, Қажымұқан атындағы орталық стадионда Қазақстан Республикасына еңбек сіңірген жаттықтырушы, қазақ, самбо, дзю-до күрестерінен КСРО-ның спорт шебері Дәулетбек Байжігітұлын еске алуға арналған белбеу күресінен жастар арасында Қазақстан Республикасының чемпионаты өтті.
Шараға арнайы қатысқан аудан әкімі Нұрбол Тұрашбеков Ордабасы ауданы қазақ күресінің бесігіне айналған қасиетті өңір екенін атап өтті. Жастар арасында спортты насихаттау мен ұлттық рухты қалыптастыруда осындай жарыстардың ерекше орын алатынына тоқталды.
Республикалық чемпионатқа жалпы 13 облыстан 205 спортшы қатысып, ұлдар — 8 салмақ дәрежесі, қыздар 6 салмақ дәрежесі бойынша өз ара мықтыларын анықтады.