Xnews — ақпарат агенттігі Әлем және Қазақстанның соңғы жаңалықтары
Азаматтардың бейқамдығы және үй малдарын теміржол бөлігіне жіберуі өзекті мәселелердің бірі болып отыр. Теміржол аса қауіпті аумақ болып саналады, бұл жөнiнде көлік полицейлері үнемі ескертіп отырады, — дедi Көліктегі полиция департаментi бастығының орынбасары Нұржан Алибаев.
Оның айтуынша, пойыздың малды басып кетуі салдарынан жылжымалы құрамның рельстен шығып кетуіне, адамдар жарақаты сияқты ауыр жағдайларға әкеп соқтыруы мүмкін.
Полиция мәліметінше, 17 маусымда Новалы — Сары Шаған жолында жолаушылар пойызы 21 бас қой табынын қағып кетті.
Өткізілген іс-шаралар нәтижесінде үй жануарларының иесі анықталды, Қарағанды облысы Сарышаған кентінің 30 жастағы тұрғыны әкімшілік жауапкершілікке тартылды (ҚР ӘҚБК 559-бабының 1-бөлімі бойынша), темір жолға бөлінген алқапта мал бағу үшін 5 АЕК мөлшерінде айыппұл салынды.
«Көлік полицейлері тағы да қадағалаусыз жүрген малдың пойыз қозғалысы қауіпсіздігіне қауіп төндіретінін ескертеді. Тәртіп сақшылары азаматтардан теміржол нысандарында жүру ережелерін мүлтіксіз сақтауды, сондай-ақғ теміржол өтетін елді мекендердің барлық тұрғынына үй жануарларын жаю ережелерін сақтауды және олардың теміржол маңында жүруге жол бермеуді сұрайды», — делінген хабарламада.