Xnews — ақпарат агенттігі Әлем және Қазақстанның соңғы жаңалықтары
Бердібек Сапарбаев Жамбыл облысының әкімі болып тағайындалды, деп хабарлайды Xnews Ақордаға сілтеме жасап.
«Сапарбаев Бердібек Машбекұлы Қазақстан Республикасы Премьер-министрінің орынбасары қызметінен босатылып, Жамбыл облысының әкімі етіп тағайындалсын» делінген Жарлықта.
Ол вице-премьер қызметінен босатылды. Бұл қызметте 2019 жылдың тамызынан бері болған еді.
Бұған дейін өңір әкімі Асқар Мырзахметовтің қызметінен кеткені хабарланған болатын.
Сапарбаев түрлі уақытта министрлер кабинеті аппаратының басшысы, Қызылорда облысының әкімі, Оңтүстік Қазақстан облысының әкімі, Кедендік бақылау агенттігінің төрағасы, қаржы вице-министрі қызметтерін атқарған еді. 2009 жылдың 4 наурызынан 2014 жылдың 11 қарашасына дейін Шығыс Қазақстан облысын басқарған. 2014 жылы 11 қарашада Қазақстан премьер-министрінің орынбасары болып тағайындалған. Ал 2015 жылы қыркүйекте Ақтөбе облысының әкімі қызметіне кіріскен.
2019 жылы ақпанда еңбек және халықты әлеуметтік қорғау министрі болып, бұл қызметте жарты жылдай жұмыс істеген.
Айта кетерлігі, Бердібек Машбекұлы күні кеше, 9 ақпанда, 67 жасқа толды.
Жамбыл облысының полиция департаментінде кадрлық ауысулар орын алды. Бұған дейін құзырлы органның басшысы болған Арман Оразалиев қызметінен босатылып, оның орнына Жанат Сүлейменов тағайындалды