Xnews — ақпарат агенттігі Әлем және Қазақстанның соңғы жаңалықтары
Исламды Зерттеу институты Кеңесінің атынан (Пәкістан, Исламабад) Қазақстан Республикасы Парламенті Сенатының төрағасы Дариға Назарбаеваға «Paigham-e Pakistan» 2020 сыйлығы табыс етілді. Бұл туралы ҚР Парламенті Сенатының баспасөз қызметі хабарлады.
Сыйлық Қазақстан қоғамындағы ұлттық ынтымақты, тұтастық пен әлеуметтік әділдікті нығайтуға сіңірген еңбегі үшін Дариға Назарбаеваға беріліп отыр.
«Бұл марапат дінаралық және өркениетаралық диалогты ілгерілету ісіндегі және Әлемдік және дәстүрлі діндер лидерлері съезін өткізудегі күш-жігері мойындалуының белгісі болып беріледі», — делінген Исламды Зерттеу институты Кеңесінің хатында.
Paigham-e-Pakistan – зорлық-зомбылыққа, экстремизм мен лаңкестікке қарсы пәтуа. Оған исламның бүкіл мектептеріндегі 5000-нан астам ғалымдары қол қойып, қабылданған болатын.
