Xnews — ақпарат агенттігі Әлем және Қазақстанның соңғы жаңалықтары
Қазығұрт ауданында «Еңбек» мемлекеттік бағдарламасы сәтті жүзеге асырылуда. Мемлекеттік бағдарлама аясында шағын несие алып, жеке кәсіптерін ашқандар қатары көбейген. Нәтижесінде ауыл тұрғындары тұрақты жұмыспен қамтылып, әлеуметтің әлеуеті артқан. Бүгінде аудан көлемінде 100 азамат қайтарымсыз жаңа бизнес идеяларға мемлекеттік грант алып өз шаруаларын дөңгелетуде.
Қазығұрт аудан әкімі Арман Абдуллаев аудан көлеміндегі мемлекет тарапынан қайтарымсыз несие алған азаматтардың жұмыс барысымен танысты. Солардың бірі Гүлчехра Найманбаева мемлекеттің қолдауымен тігін цехын ашыпты. Басты мақсаты өзі қызығушылық танытатын іспен айналысу еді. Шағын кәсіпті бастау үшін несие алып, қажетті техникалар сатып алды. Қазір құрбысы екеуі ортақ іспен айналысып, табыс табуда.
Гүльчехра Найманбаева — Тігінші
Бүгінде ауданымызда кәсіпкерліктің көкжиегін кеңейткен азаматтардың қатары артып келеді. Соның бірі Қазығұрт ауылының тумасы Ізбасар Руслан Ол ағашқа бар күш-жігерін салып, тұрмысқа керекті әртүрлі жиһаз жасаумен айналысады. Ағаштан түрлі бұйымдар жасайтын ерекше қабілетінің арқасында бүгінгі күні мол табысқа кенеліп отыр. Алған несиеге ағашты ойып, қашайтын құралдарында сатып алыпты.
Ізбасар Руслан — Ағаш шебері
Арнайы білім алып, кәсіпкерлік негіздерін меңгергендердің көп бөлігі ауыл азаматтары. Атап айтқанда тігін шеберханасын ашу, ағаш шеберханасы, мал шаруашылығын дамыту, кондитерлік қызмет және тағы басқаларға алыпты. Жалпы 49 азаматар жастар, 11 азамат мүмкіндігі шектеулі азаматтар, 12 азамат атаулы әлеуметтік көмек алушылар, 28 азамат жұмыссыздар қатарынан.
Мақсұт Алпысбаев — Жұмыспен қамту орталығының маманы
Жаңа жұмыс орындарын ашуды, шалғайдағы елді мекен тұрғындарының әлеуетін көтеруді көздейді. Олар мемлекеттік бағдарламаның шапағаты мол екенін айтады.
