Xnews — ақпарат агенттігі Әлем және Қазақстанның соңғы жаңалықтары
Түркістан облысы Кәсіпкерлер палатасының Қазығұрт аудандық филиалында маңызды кадрлық өзгеріс орын алды. Ұзақ жылдар бойы филиал директоры қызметін абыроймен атқарып келген Мамытбеков Сержан Кенжалиұлы өз еркімен қызметінен босады.
Сержан Кенжалиұлының жетекшілігі кезеңінде аудан кәсіпкерлерін қолдау бағытында жүйелі жұмыстар жүзеге асырылып, жергілікті бизнес ортаның дамуына серпін берілді. Әріптестері мен кәсіпкерлер қауымы оның өңірдің әлеуметтік-экономикалық дамуына қосқан еңбегін жоғары бағалап, алдағы қызмет жолында толағай табыс тіледі.
Осыған байланысты Қазығұрт аудандық әкімдігінде филиал директоры лауазымына тағайындалған жаңа қызметкер Раманқұл Дәурен Сәкенұлы аудан әкімі Азизхан Исмаиловқа таныстырылып, оның кәсіби тәжірибесі мен алдағы жоспарлары баяндалды.
Жиын барысында аудан әкімі ұсынылған кандидатқа сенім білдіріп, алдағы қызметіне сәттілік тіледі. Сонымен қатар, аудан кәсіпкерлігін дамыту бағытындағы бастамаларына қолдау көрсетілетінін атап өтті.
Кездесу қорытындысы бойынша аталған кандидатура белгіленген тәртіпке сәйкес қаралатын болды.
