Xnews — ақпарат агенттігі Әлем және Қазақстанның соңғы жаңалықтары
Шымкент қаласының тұрғындарын баспанамен қамтамасыз ету жұмысы жалғасуда. Бұл жолы баспана кезегінде тұрған 30 отбасы коммуналдық үй қорынан жалдамалы пәтерлерге ие болды.
Көп қабатты үйлер Асар-2, Тұран және Бозарық шағынаудандарында орналасқан.
Пәтер кілттерін тапсыру рәсіміне қала әкімі Ғабит Сыздықбеков қатысты. Қала әкімі тұрғындарды қоныс тоймен құттықтап, жаңа шағынаудандардың кешенді дамып жатқанын атап өтті, мұнда үйлермен қатар инфрақұрылым да қатар салынуда.
Айта кету керек, пәтерлер Екінші дүниежүзілік соғыс ардагерлеріне теңестірілген ардагерлерге, толық емес отбасыларға және ерекше балаларды тәрбиелеп отырған жанұяларға, мүгедектігі бар азаматтарға, сондай-ақ, жетім балалар мен ата-анасының қамқорлығынсыз қалған балаларға берілді.
