Xnews — ақпарат агенттігі Әлем және Қазақстанның соңғы жаңалықтары
Өңірде интернет сапасын жақсарту және цифрлық инфрақұрылымды дамыту мақсатында соңғы үш жыл ішінде 295 жаңа базалық станция орнатылып, 398 станция модернизациядан өтті. Бұл шара тұрғындар мен кәсіпорындарға тұрақты және жылдам байланыс қызметін қамтамасыз етуге бағытталған.
Биылдан бастап «Қазақтелеком» акционерлік қоғамымен бірлесіп, Шымкент қаласында жасанды интеллектіні дамытуға арналған жобаларды іске асыру қолға алынды. Жобалар білім беру, денсаулық сақтау, қала әкімшілігінің қызмет көрсету жүйелерін цифрландыру, сондай-ақ кәсіпкерлік саласында инновациялық шешімдер енгізуге мүмкіндік береді.
Мамандардың айтуынша, бұл бағыттағы жұмыстар өңірдің экономикалық дамуына серпін беріп, тұрғындардың өмір сапасын жақсартуға қосымша мүмкіндік туғызады. Сонымен қатар, жасанды интеллектіні пайдалану қызмет көрсету тиімділігін арттырып, қаланың цифрлық трансформациясын жеделдетеді.
Шымкент қаласында жүзеге асырылып жатқан бұл жобалар өңірдің заманауи технологияларды енгізу бағытында алдыңғы қатарға шығуына септігін тигізеді.
