Xnews — ақпарат агенттігі Әлем және Қазақстанның соңғы жаңалықтары
Қаратау ауданына қарасты Шапырашты тұрғын алабында гүлзар мен спорт алаңшасының салтанатты ашылу рәсімі ұйымдастырылды. Бұл нысандар «Халық қатысатын бюджет» бағдарламасы аясында барлық қауіпсіздік талаптарына сай бой көтерді. Алаңдардың аудан тұрғындарының өмір сүру сапасын арттырып, бос уақытын тиімді ұйымдастыруда және бұқаралық спортты дамытуда маңызы зор.
Салтанатты іс-шараға қаламыздың зиялы қауым өкілдері арнайы қатысып, жергілікті халықтың қуанышына ортақтасты. Айта кетейік, биылғы жылы аудан аумағында жалпы саны 12 гүлзардың, 24 балалар ойын алаңшасының және 3 спорт алаңшасының құрылысы жоспарланған. Осыған дейін аудан аумағында 13 балалар ойын алаңшасы мен 6 гүлзар ел игілігіне берілді. Қалған 11 балалар ойын алаңшасы, 6 гүлзар жыл соңына дейін бой көтеретін болады.
