Xnews — ақпарат агенттігі Әлем және Қазақстанның соңғы жаңалықтары
Біріккен Араб Әмірліктерінің Абу-Даби қаласында өткен “Emirates Skills — 2025” халықаралық достық кездесуінде Қазақстанның намысын Кентау көпсалалы колледжінің студенті Жанар Серік қорғап, жүлделі бірінші орынға ие болды.
«Кескіндеме және сәндік жұмыстар» бойынша өткен додада Жанар өз кәсіби шеберлігін және шығармашылық қабілетін жоғары деңгейде көрсете білді. Бұл жарыс жас мамандардың халықаралық аренада тәжірибе алмасуы мен өзара достық қарым-қатынас орнатуына үлкен мүмкіндік береді. Жанар Серіктің бұл жетістігі — Қазақстандағы техникалық және кәсіптік білім беру сапасының жоғары деңгейде екендігінің тағы бір дәлелі. Сонымен қатар, бұл жеңіс — еліміздегі жұмысшы мамандықтардың беделін арттыру жолындағы маңызды қадам.
Түркістан облысының Өңірлік коммуникациялар қызметі
