Xnews — ақпарат агенттігі Әлем және Қазақстанның соңғы жаңалықтары
Қазығұрт ауданында «Таза Қазақстан» республикалық шарасы аясында ауқымды сенбіліктер ұйымдастырылуда.
Осы ретте, аудандағы Жаңабазар ауылдық округінде абаттандыру, көгалдандыру мақсатында 300 тал көшеттері отырғызылды. Шараға аудан әкімі Азизхан Исмаилов бастаған аудан әкімдігінің қызметкерлері, еріктілер мен ауыл тұрғындарынан 300-ден астам адам атсалысты. Сондай-ақ, қазіргі таңда аудандағы елдімекендердің орталық көшелері, әлеуметтік нысандардың айналасы, арық-атыздар мен аяқжолдар, саябақтар мен гүлзарлардағы қоқыстар жиналуда.
Алдағы уақытта Жаңабазар ауылының тұрғындары аумақтағы саябақты ұлғайтып, оған қосымша ағаштар отырғызуды жоспарлап отыр. Бұл игі шара ауылдың көгалдандыру жұмыстарын жақсартып қана қоймай, тұрғындардың туған жерге деген жанашырлығын арттыра түсті.
Түркістан облысының Өңірлік коммуникациялар қызметі
