Түркістан облысындағы 3 кәсіби театрда 400-ден аса қойылым сахналанған

Түркістан облысындағы 3 кәсіби театрда 2024 жылы 436 спектакль қойылып, 60 мыңнан астам көрермен қойылымдарға куә болған. Сондай-ақ, 18 жаңа шығарма театрсүйер қауым назарына ұсынылған.

Өңірде өзіндік өрнегін қалыптастырып үлгерген ұжымдар өткен жылы түрлі жетістіктерге жетіп, бірқатар белестерді бағындырған. Мәселен, Түркістан музыкалық драма театрының «Келіндер көтерілісі» қойылымы «Kazakhstan Ticketon Awards-2024» байқауында «Жылдың ең үздік аймақтық қойылымы» номинациясына ие болды. Ал, Р. Сейтметов атындағы Түркістан қалалық сазды драма театры Көкшетау қаласында өткен С.Жүнісовтың 90 жылдық мерейтойы аясында «Сәлем» ІІ Халықаралық комедиялық фестиваліне қатысып, арнайы жүлдемен марапатталды. Сондай-ақ, Түркістан музыкалық драма театрының «ФАРИЗА» қойылымы «ТЕАТР ALL» ІІІ Халықаралық театр фестивалінде үздік атанды.

Биыл театрлар облыстың мәдениетін, атын таныту және насихаттау мақсатында көршілес елдердің қазақ ұлты көп шоғырланған өңірлерінде гастрольдік сапарлар жоспарлап отыр. Сонымен қатар, облыстағы шалғай аудандарда да өнер көрсету дәстүрі жалғасады. Материалдық техникалық базаны нығайту, жаңа қойылымдарды сахналау мақсатында да ауқымды жұмыстар атқарылып келеді. Соның бірі, жаңадан құрылған «Түркістан» ансамбліне қажетті музыкалық аспаптардың алынуы болып отыр.

Түркістан облысының Өңірлік коммуникациялар қызметі

x

Check Also

Түркістан: Инвестициялық жобаларды сапалы электр желісімен қамту жолдары қаралды

Түркістан облысы әкімінің орынбасары Нұрбол Тұрашбеков Арыс қаласына жұмыс сапарымен барып, Шымкент электрмен жабдықтау дистанциясының Арыс қосалқы тарту бекетінде кеңес ...

Түркістан облысында кезекті «Үлгілі ауыл» байқауы басталады

Түркістан облысында сәуір айынан бастап «Үлгілі ауыл» байқауының жаңа кезеңі басталады. Биылғы ережеге сәйкес, аудан орталықтары сайысқа қатыстырылмайды. Сондай-ақ, байқау ...