Xnews — ақпарат агенттігі Әлем және Қазақстанның соңғы жаңалықтары
Елімізде 2025 жылы «Жұмысшы мамандықтар жылы» деп жарияланған болатын. Бұл бастама жұмысшы мамандықтарының маңыздылығын арттыруға бағытталған.
Сондай-ақ, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға негізделген. Осы ретте Түркістан жоғары көпсалалы қолөнер колледжінің «Тігін өндірісі және киімдерді үлгілеу» мамандығының студентері үш жақты келісім бойынша кәсіптік тәжірибелерін «Turkestan Textile» ЖШС мекемесінде өткізуде. Серіктестік директоры Әлішер Абултаев оқу орны мен кәсіпорын арасындағы ынтымақтастық жалғасатындығын жеткізді.
Бүгінде еліміздің техникалық және кәсіптік білім беру жүйесіне дуальды оқытудың енгізілуі — маман даярлау үшін маңызды болып отыр. Студент қатарында жүріп өзін жұмыс орнында сынақтан өткізу арқылы болашақ мамандар өз білімдерін шыңдауға мүмкіндік алады.
Түркістан облысының Өңірлік коммуникациялар қызметі
