Xnews — ақпарат агенттігі Әлем және Қазақстанның соңғы жаңалықтары
Республикалық «Таза Қазақстан эколгиялық акциясы» аясында аймақ басшысының тапсырмасына сәйкес, аудан әкімі Мақсат Таңғатаровтың ұйымдастыруымен күзгі көгалдандыру жұмыстары қарқынды жүргізілуде,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Облыстық табиғи ресурстар және табиғат пайдалануды реттеу басқармасы тарапынан бөлінген 21 мың түп ағаш кезең кезегімен егілуде. Аталған жұмыстар Шорнақ, Ескі Иқан және Шаға ауылдық округтерінде жүргізілуде. Маусымдық ағаш отырғызу науқанына аудан әкімі Мақсат Таңғатаров жалпы аудан тұрғындары қатысты.
Іс-шараға 5 бірлік техника, 400-ге жуық адам қатысты. Белгіленген аумаққа арнайы тал егіліп, арықтар қазылып, 8 мыңнан астам тамырлы көшеттер отырғызылды. Күзгі ағаш егу науқаны ай бойы үздіксіз жүргізіліп, ауданымызды жасыл-желекке айналдыру жұмыстары жүргізіледі.
