Xnews — ақпарат агенттігі Әлем және Қазақстанның соңғы жаңалықтары
Сауран ауданы, Шорнақ ауылдық округінің Аша елді мекенінде «Жайлы мектеп» Ұлттық жобасы аясында салынып жатқан 600 орындық мектептің инженерлік желілерінің құрылысы жүргізілуде,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Онда су құбыры, кәріз, байланыс, жол және жарықтандыру жұмыстары орнатылуда. Аталған нысанға тапсырыс беруші Сауран ауданы әкімдігінің құрылыс, сәулет және қала құрылысы бөлімі болып табылады. Бүгін құрылыс жұмыстарын аудан әкімінің орынбасары Серік Садибаев арнайы барып қадағалап, бақылау жүргізді.
Жайлы мектептің инженерлік желілерінің құрылысын «ЛидерСтройПроект-2002» ЖШС мердігер мекемесі жүзеге асыруда. Жобалаушы мекеме — «МК-ПроектСтрой», ал техникалық қадағалаушы мекеме – «Жасыл Алем Сервис» ЖШС тарапынан атқарылуда. Оқу орынның ауыз су құбыры, электр және байланыс желілері толығымен тартылып аяқталды. Бүгінгі таңда аяқ жол, асфальт төсеу жұмыстары жүргізіліп, 2 дана аялдама орнатылды. Ендігі кезекте түнгі көше жарықтарының жұмыстары жүргізілетін болады.
