Xnews — ақпарат агенттігі Әлем және Қазақстанның соңғы жаңалықтары
Аудан әкімі Мақсат Таңғатаров азаматтарға жеке мәселелері бойынша қабылдау өткізді. Онда аудан әкімінің орынбасары, дербес бөлім басшылары қатысып, бірден жергілікті жерлерде тұрғындарға кеңес берілді,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Негізінен тұрғын үй-коммуналдық шаруашылық және жер қатынастары мәселелері мен жұмысқа орналасу мәселесі қозғалды. Барлық айтылған мәселелер бойынша өтініш білдірген азаматтарға қолданыстағы заңнама аясында түсініктемелер мен кеңестер берілді. Қосымша уақытты қажет ететін мәселелер одан әрі қарау үшін тиісті бөлімдерге жолданды. Көтерілген мәселелер бақылауға алынды.
Айта кетейік, аудан әкімінің жеке қабылдауы әр аптаның жұма күні, 11:00 — 13:00 аралығында өткізіледі. Қабылдауға алдын ала жазылып кіре аласыз. Мекен-жайы: Шорнақ ауылдық округі, М.Темірбаев көшесі, №30 (Сауран аудандық әкімдігінің ғимараты).
