Xnews — ақпарат агенттігі Әлем және Қазақстанның соңғы жаңалықтары
Түркістан облысының жұмыспен қамтуды үйлестіру және әлеуметтік бағдарламалар басқармасының «№6 арнаулы әлеуметтік қызметтер көрсету орталығы» КММ-сі Түркістан облысы әкімдігінің 2024 жылғы 28 мамырдағы №92 қаулысымен құрылды,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Басты мақсат — «Халықты әлеуметтік қорғау саласында арнаулы әлеуметтік қызметтер көрсету стандартын бекіту туралы» ҚР Еңбек және халықты әлеуметтік қорғау министрінің 2023 жылғы 29 маусымдағы №263 бұйрығы негізінде 18 жастан асқан мүгедектігі бар адамдарға жартылай стационарлық жағдайда арнаулы әлеуметтік қызмет көрсету. Сауықтыру орталығында медициналық, педагогикалық еңбекке баулу және т.б бағыттарда бір мезетте 200 азаматқа қызмет көрсетілетін болады.️
Мекеме ғимаратының толыққанды материалдық-техникалық базамен жабдықталуы көзделуде. Қазан айынан бастап «№6 арнаулы әлеуметтік қызметтер көрсету орталығы» КММ-сі штаттық режимде жұмысын бастайды деп жоспарлануда. Мекеме директоры – Сауртаева Гүлнұр Баялықызы.
Біздің мекен-жайымыз: Түркістан облысы, Сауран ауданы, Оранғай елді мекені, Бейбітшілік көшесі №56А.
