Xnews — ақпарат агенттігі Әлем және Қазақстанның соңғы жаңалықтары
«Дос-Мұқасан» тобының әншісі Ақжол Мейірбеков дүниеден өтті. Қаралы хабарды әнші Сәкен Майғазиев жеткізді.
Ақжол Мейірбеков 1950 жылы 7 шілдеде қазіргі Түркістан облысындағы Арыс қаласында дүниеге келген.
1978-1985 жылдары «Дос-Мұқасан» ансамблінің құрамында әнші болды.
1985-1994 жылдары Алматы облыстық филармониясының «Арқас», «Сазген», «Адырна» ансамбльдерінде ән салды.
1994-1996 жылдары «Гүлдер» ансамблінің көркемдік жетекшісі әрі директоры болды.
2001 жылы «Ақжол» ән-театрын құрды.
2010 жылдан қайтадан «Дос-Мұқасан» ансамблінің әншісі болды.
Ақжол Нұсқабекұлы Мейірбеков – Құрмет орденінің иегері, Ерен еңбегі үшін медалінің иегері.
