Xnews — ақпарат агенттігі Әлем және Қазақстанның соңғы жаңалықтары
ІІМ Криминалдық полиция департаменті Киберқылмысқа қарсы күрес орталығының бастығы Жандос Сүйінбай интернет-алаяқтық қылмыстарын ашуда қандай қиындықтар бар екенін айтты.
«Биыл бізде 9 мыңнан аса интернет-алаяқтық қылмысы тіркелді. Оның ішінде мамандар 2 мыңнан астам қылмысты ашты. Шамамен 37%-ы ашылмаған күйі қалып отыр. Дегенмен бұл жерде мынадай мәселе бар: Егер қылмыс жасаған адам шет мемлекеттердің аумағында болса, онда істі тергеу қиындайды. Өйткені, ол елдің құзырлы органдарымен ақпарат алмасу сияқты процестер ұзаққа созылады. Алайда, біздің қызметкерлер қылмыстың дәл қай жерде отырып жасағанын нақты анықтай алады», — деді Жандос Сүйінбай БАҚ өкілдерінің сауалына жауап бере отырып.
Алаяқтық азаяр емес. Биылғы жарты жылдықтың өзінде Қазақстанда 9,4 мың интернет-алаяқтық қылмысы тіркелген.
