Xnews — ақпарат агенттігі Әлем және Қазақстанның соңғы жаңалықтары
Бүгін ҚР Парламенті Сенатының депутаттары Әли Бектаев пен Әлімжан Құртаев жұмыс сапарымен Ордабасы ауданына келді.
Сенаторлармен болған жиынға ауданның ардагерлері, зиялы қауым өкілдері, саяси партиялар мен қоғамдық ұйымдардың төрағалары, мәслихат депутаттары, ауылдық округтердің әкімдері, ауылшаруашылық саласының мамандары және жастар өкілдері қатысты.
Парламенттің жоғарғы палата депутаттары Мемлекет басшысы Қасым-Жомарт Тоқаевтың халыққа арнаған Жолдауларындағы маңызды мәселелерге, оның ішінде елдің әлеуетін арттыруға бағытталған міндеттердің жүзеге асырылуы туралы сөз қозғады.
Сондай-ақ “Әділетті Қазақстанды” құрудағы Президент пен Үкіметтің, Парламенттің қолға алып жатқан саяси, әлеуметтік реформаларына кеңінен тоқталды.
Негізгі баяндамалардан соң жиын сұрақ-жауап қою форматына ұласты. Қатысушылар сенаторларға азық-түлік қауіпсіздігі, тарихи-мәдени жаңғырту, ауыл тұрғындарының өмір сүру сапасын жақсарту, білім беру саласын дамыту сияқты мәселелер төңірегінде сұрақтарын қойып, оларға тұшымды жауаптар берілді.
Ордабасы ауданы әкімінің баспасөз қызметі
