ТҮРКІСТАНДЫҚ ОҚУШЫЛАР ТҮРКИЯДАН ЖЕҢІСПЕН ОРАЛДЫ

Түркістан қаласы адами әлеуетті дамыту бөліміне қарасты №28 мектеп-лицейінің оқушылары Түркияның Анталия қаласынан жеңіспен оралды. «XIV INTERNATIONAL OLYMPIAD IN ANTALYA» деп аталатын Халықаралық олимпиада 2009 жылдан бері мектеп оқушыларының арасында жаратылыстану бағытындағы пәндерден өтетін білім жарысы. Доданың басты мақсаты – үздік білім мен тәжірибе, шынайы дарын иелерін тану және табысқа жету жолына серпін беру.
Осы жылы қатысушылар саны да айтарлықтай көп болған. Шаһардағы №28 мектеп-лицейінің директоры Ләззат Нысанқұлова мен директордың оқу ісі жөніндегі орынбасары Айгүл Абайқызының жетекшілігімен барған оқушылар өздерінің шын жүйрік екендіктерін көрсете білді.
«Байқау қорытындысы бойынша 6-сынып оқушылары Сымбат Смайлова мен Альтайыр Нариманов орыс тілі пәні бойынша жүлделі 1 және 3-орындарды қанжығасына байлады. Ағылшын тілі пәні бойынша 6-сынып оқушысы Жанасыл Жандосұлы 2-орынға лайық деп танылды. Жүзден жүйрік шыққан 9-сынып оқушысы Абдуәлім Даулеталин «Мистер Олимпиада» номинациясына ие болды. Ал, география пәнінен командалық жарыста жүлделі 1-орынды жеңіп алды», деді Түркістан қаласы адами әлеуетті дамыту бөлімінің басшысы Оразкүл Шайхықызы.
Жарыста 5 мемлекеттен 56 мектеп оқушылары өзара бәсекеге түсті. Сонымен қатар осы білім жарысын ұйымдастырушы тараппен байланысты нығайту мақсатында Ләззат Жаналықызы арнаулы меморондумға қол қойылғанын қуанышты түрде жеткізді.
Айта кетейік, аталған білім ордасында 1500-ге жуық оқушы бар. Білім ошағында үздік ұстаздар ұжымы топтасып қана қоймай, облыста, тіпті республика көлеміндегі білім бәсекелерінде үздік нәтижелерге қол жеткізіп келеді. Мектеп оқушылары да ауыз толтырып айтарлықтай белестерді бағындыруда.
Түркістан облысы әкімінің баспасөз қызметі
x

Check Also

Мектепке дейінгі ұйымдарды ваучерлік қаржыландыру пилоттық жобасы 27 млрд теңге үнемдеуге мүмкіндік берді

Қазақстан Республикасы Президенті Әкімшілігінде Президент көмекшісі Тамара Дүйсенованың төрағалығымен Мемлекет басшысының 2024 жылғы 2 қыркүйектегі Жолдауын іске асыру барысы, оның ...

В Казахстане начато внедрение единой системы оплаты медицинской помощи (ЕСОМП)

В рамках поручения Главы государства о повышении эффективности системы обязательного социального медицинского страхования в сфере здравоохранения начато внедрение  Единой  системы ...