Xnews — ақпарат агенттігі Әлем және Қазақстанның соңғы жаңалықтары
Құрметті азаматтар!
Алкогольдік масаң күйде автокөлік басқару – өз өміріңізге ғана емес, айналаңыздағы адамдардың өмірі мен денсаулығына төнетін үлкен қауіп.
Көлік тізгініне масаң күйде отыру – бір сәттік шешім. Алайда оның салдары ұзақ жылдарға созылуы мүмкін.
Қазақстан Республикасының заңнамасына сәйкес, алкогольдік масаң күйде көлік құралын басқарғаны үшін он бес тәулікке әкімшілік қамаққа алу және жеті жыл мерзімге көлік құралын басқару құқығынан айыру түріндегі қатаң жауапкершілік көзделген.
Егер Қазақстан Республикасы Әкімшілік құқық бұзушылық туралы кодексінің 608-бабы бойынша әкімшілік жауаптылыққа тартылып, көлік құралын басқару құқығынан айырылған адам алкогольдік масаң күйде көлік құралын қайта басқарса, оның әрекеті Қазақстан Республикасы Қылмыстық кодексінің 346-бабына сәйкес қылмыстық құқық бұзушылық ретінде сараланып, қылмыстық жауаптылыққа әкеп соғады.
Есіңізде болсын: алкогольдің әсерімен қабылданған бір ғана шешімнің салдары жылдарға созылуы мүмкін. Сондықтан көлік тізгініне тек сергек күйде отырыңыз.
Жолдағы қауіпсіздік – әрбір азаматтың жауапкершілігі.
Түркістан қаласының прокуратурасы
