Xnews — ақпарат агенттігі Әлем және Қазақстанның соңғы жаңалықтары
«Заң мен Тәртіп» қағидатын іске асыру аясында Абай ауданының прокуратурасы уәкілетті мемлекеттік органдармен бірлесіп кальян өнімдерінің заңсыз айналымын анықтау және кәмелетке толмағандардың түнгі уақытта ойын-сауық орындарында заңды өкілдерінсіз жүру фактілерін анықтау мақсатында рейдтік іс-шара өткізді, деп хабарлайды Шымкент қаласының прокуратурасы.
Рейд барысында аудан аумағындағы қоғамдық тамақтану және ойын-сауық мекемелерінің қызметі тексерілді. Тексеру кезінде кальян өнімдерін өткізуге қатысты заңнама талаптарының сақталуына, сондай-ақ кәмелетке толмағандардың құқықтары мен қауіпсіздігін қамтамасыз ету мәселелеріне ерекше назар аударылды.
Іс-шара қорытындысы бойынша заңнама талаптарының жекелеген бұзушылықтары анықталды. Анықталған фактілер бойынша прокурорлық ықпал ету шаралары қабылданып, кінәлі тұлғаларды заңнама талаптарына сәйкес жауапкершілікке тарту мәселесі қаралуда.
Абай ауданының прокуратурасы заңдылық пен құқықтық тәртіпті қамтамасыз ету, азаматтардың құқықтарын қорғау және жасөспірімдер арасындағы құқық бұзушылықтардың алдын алу бағытындағы жұмыстарды одан әрі жалғастырады.
Осыған байланысты кәсіпкерлік субъектілерін заң талаптарын қатаң сақтауға, ал ата-аналарды балаларының түнгі уақыттағы жүріс-тұрысына бақылауды күшейтуге шақырамыз.
Xnews: Айта кету қажет, заңнамаға сәйкес кәмелетке толмағандардың сағат 22:00-ден кейін ойын-сауық орындарында, ал 23:00-ден кейін көшеде заңды өкілдерінсіз жүруіне жол берілмейді. Бұл талаптар рейдтік іс-шаралар барысында ерекше бақылауда болды.
Қазақстан Президенті Қасым-Жомарт Тоқаевтың «Заң мен тәртіп» қағидаты аясында қоғамдық қауіпсіздікті қамтамасыз ету мақсатында кәмелетке толмағандар арасында кальян шегуге қарсы бақылау күшейтілді. Заңнамаға сәйкес, жасөспірімдердің денсаулығын қорғауға бағытталған талаптар қатаң түрде қадағаланады.
Кальянға қатысты негізгі ережелер мен жауапкершіліктер:
• Сатуға тыйым салу: Кәмелетке толмағандарға құрамында никотині бар немесе жоқ кез келген кальян қоспаларын сатуға және оларды тұтынуға жол берілмейді.
• Қоғамдық орындардағы шектеулер: Кальянды кез келген қоғамдық орында (дәстүрлі темекі шегуге тыйым салынған орындарда) шегуге заңмен тыйым салынған.
• Рейдтік тексерулер: Ішкі істер органдары көңіл көтеру орындары мен түнгі клубтарда рейдтер жүргізіп, заң бұзғандарға, соның ішінде кальян тұтынған жасөспірімдерге шара қолданады.
Құқық қорғау органдары осындай алдын алу жұмыстары арқылы жастардың құқықтық сауаттылығын арттырып, қоғамдық қауіпсіздікті қамтамасыз етуді басты назарда ұстауда.
