Xnews — ақпарат агенттігі Әлем және Қазақстанның соңғы жаңалықтары
Бүгінгі өтіп жатқан референдумға облыстық «Домалақ ана» ансамблінің мүшелері дауыс беру учаскесіне ұлттық киіммен келіп, өз таңдауларын жасады. Ансамбль мүшелері бұл маңызды қоғамдық-саяси шараға белсенді қатысып, азаматтық ұстанымдарын білдірді.
«Саяси науқанға ұлттық киіммен келу – халқымыздың салт-дәстүрі мен мәдени құндылықтарына деген құрметтің айқын көрінісі. Бұл қадам референдумның маңыздылығын айқындап қана қоймай, ұлттық рух пен бірліктің белгісі ретінде де ерекшеленді» — дейді ансамбль мүшелері.
Айта кетейік, Түркістан облысы аумағында 947 референдум учаскесі өз жұмысын бастады. Облыста 1 187 257 азамат дауыс беру құқығына ие. Бұл өңір халқының 55,4 пайызына тең.
Түркістан облысының Өңірлік коммуникациялар қызметі
