Xnews — ақпарат агенттігі Әлем және Қазақстанның соңғы жаңалықтары
Елімізде қабылданған жаңа Салық кодексі кәсіпкерлікке түсетін жүктемені азайтып, салық жүйесін жеңілдетуге бағытталған. Құжат шағын және орта бизнесті, әлеуметтік және өндірістік секторды қолдауға арналған нақты өзгерістерді қамтиды.
Корпоративтік табыс салығының негізгі мөлшерлемесі – 20 пайыз. Ауыл шаруашылығы және балық шаруашылығы өнімін өндірушілер үшін – 3%, кооперативтер үшін – 6%. Әлеуметтік сала ұйымдарына 2026 жылы 5%, 2027 жылдан бастап 10% мөлшерлеме қолданылады.
Қосылған құн салығы (ҚҚС) 2026 жылдан бастап 16% болып бекітіледі. Медицина мен білім саласында төмендетілген ставка енгізіледі: 2026 жылы – 5%, 2027 жылдан бастап – 10%. Құрылысы 2026 жылға дейін басталған тұрғын үйлерді сату ҚҚС-тан босатылады.
Жеке табыс салығы бойынша прогрессивті жүйе енгізілді: жылдық табысы 35 млн теңгеге дейінгі азаматтар 10%, одан жоғары табысқа 15% төлейді. Әлеуметтік жеңілдіктер де кеңейді – мүгедектігі бар азаматтар үшін шегерім көлемі 882 АЕК-тен 5000 АЕК-ке дейін ұлғайтылды.
Жер және көлік салығы бойынша да жаңалықтар бар. 10 жылдан астам пайдаланылған көліктерге 0,7, 20 жылдан асқан көліктерге 0,5 коэффициенті қолданылады. Ал жер заңнамасын бұзғандар үшін базалық ставка 40 есеге дейін көбейеді.
Арнайы салық режимдері оңтайландырылды – енді тек үш түрі қалады: өзін-өзі жұмыспен қамтығандар, жеңілдетілген декларация негізіндегі режим және шаруа қожалықтары. Өзін-өзі жұмыспен қамтығандар табысының 4%-ын ғана төлейді.
Салық есептілігі 30%-ға қысқарды, бұрынғы 39 нысанның 12-сі алынып тасталды. Құжат айналымы электрондық форматқа көшіріліп, тексеру мерзімдері қысқартылды.
Жаңа Салық кодексі салықтық әділдікті арттырып, бизнестің дамуына және азаматтардың әлеуметтік қорғалуына серпін береді. Құжат нормалары 2026 жылдан бастап кезең-кезеңімен күшіне енеді.
Жер, көлік және мүлік салығы – әділдік пен тиімділіктің кепілі
Жаңа Салық кодексі мүлік, жер және көлік салығын есептеу тәртібін айтарлықтай жеңілдетті.
Көлік салығында 10 жылдан астам жүрген автокөліктер үшін 0,7, ал 20 жылдан асқан көліктер үшін 0,5 коэффициенті белгіленді. Бұл ескі көлік иелері үшін үлкен жеңілдік.
Шаруа және фермер қожалықтары бір пикап көлігі бойынша салық төлеуден босатылады.
Жер салығында ағымдағы есептілікті тапсыру талабы жойылып, тек жыл қорытындысы бойынша декларация тапсырылады. Ауыл шаруашылығы мақсатындағы жер елді мекен шекарасына кірсе де, сол бағыттағы жеңілдетілген ставка сақталады.
Бірақ жерді мақсатсыз пайдаланған немесе заңнаманы бұзған тұлғаларға базалық ставка 40 есеге дейін ұлғайтылады.
Мүлік салығында шағын бизнеске де жеңілдіктер қарастырылған. Егер салық сомасы 300 АЕК-тен аспаса, кәсіпкер тек жылдық есеп береді. Ал салық базасы ретінде енді мүліктің орташа жылдық баланстық құны алынады.
Бұл жаңашылдықтар салық есептеуді ашық әрі әділ етіп, кәсіпкерлер мен азаматтарға артық жүктемені азайтады.
Толығырақ: https://www.youtube.com/live/xTeIYEj6Wvc?si=-dRNg7MbZT3kihYF
Шымкент қаласының Өңірлік коммуникациялар қызметі
