Xnews — ақпарат агенттігі Әлем және Қазақстанның соңғы жаңалықтары
Мемлекет басшысы жақында жариялаған Жолдауында еліміздің экономикалық дамуы үшін инвестиция тартудың айрықша маңыздылығын атап өтті. Президент шетелдік және отандық инвесторлар үшін қолайлы жағдай қалыптастыруды, инфрақұрылымдық қолдауды күшейтуді және өңірлерде жаңа жұмыс орындарын ашатын жобаларды ілгерілетуді тапсырды.
Осыған орай бүгін аудан әкімі Азат Оралбаевтың төрағалығымен инвесторлармен арнайы жиын өтті.
Кездесуге шетелдік және отандық инвестициялық жобалардың өкілдері қатысып, ауданда атқарылып жатқан және алдағы уақытта жүзеге асырылатын бірқатар жобалар талқыланды. Басқосуда газ, ауызсу жүйесі және инфрақұрылымдық қолдау мәселелері қаралды.
Аудан басшысы өз сөзінде аудан әкімдігі тарапынан инвесторларға қажетті қолдау көрсетілетінін атап өтіп, жауапты сала басшыларына нақты тапсырмалар жүктеді. Сондай-ақ, бөлім басшыларына аталған бағыттағы жұмыстарды жүйелі жүргізіп, инвестициялық жобалардың сапалы әрі уақытылы орындалуын қамтамасыз ету міндеттелді.
Жиын соңында Азат Әбдіғалиұлы алдағы уақытта ауданда жаңа жобаларды іске асыруға, халықтың әлеуметтік жағдайын жақсартуға және экономикалық өсімге серпін беруге ерекше назар аударылатынын жеткізді.
Ордабасы ауданы әкімінің баспасөз қызметі
