Xnews — ақпарат агенттігі Әлем және Қазақстанның соңғы жаңалықтары
Қазақстанда «Ұлттық тауарлар каталогы» мемлекеттік деректер базасын құру процесі жалғасуда. Бұл – елдегі барлық тауар үшін бірыңғай цифрлық эталон. Онда әр тауардың бірегей GTIN / NTIN коды болады. Бүгінде базада 15 млн тауар бар.
Оның айтуынша, ақпарат саудадан бастап, кеден, сатып алу және мемлекеттік бюджетті жоспарлауға дейінгі барлық салада қолданылады. Әрбір өнімге NTIN – өндірушіні көрсететін бірегей код тағайындалады. Импорттық тауарлар үшін әлемдік саудаға қатысатын өнім ассортиментін көрсететін GTIN халықаралық тізілімімен интеграция қарастырылған. Тауарлар туралы барлық ақпарат мемлекеттік дерекқорда жинақталады және түрлі салада қолданылады: мемлекеттік сатып алу, шот-фактураларды қалыптастыру және чектер беру кезінде. Осылайша, сатып алушы кассалық чекте сатып алынған тауардың түрін көре алады.
«Келесі жылдың 1 қаңтарынан бастап барлық өндіруші-импорттаушы өз тауарларын осы мемлекеттік деректер базасында тіркеуге міндеттеледі. Тиісті заңға қол қойылды және Үкіметте оны енгізу бойынша Жол картасы әзірленді», – деп толықтырды спикер.
Ұлттық тауарлар каталогын интернетте көруге болады. Ол фискалдық деректер операторларымен және кассалық машиналармен біріктірілген. Чекті қалыптастыру кезінде жүйе автоматты түрде өнімге бірегей NTIN кодын береді. Қайталануды және дұрыс жіктеуді болдырмау үшін күн сайын модерация процедурасынан өтетін 10 млн-ға дейін чек келеді. Модерация кезінде жасанды интеллект элементтері қолданылады. Бизнеспен өзара әрекеттесу үшін компанияларға каталогқа тауарлар қосуға мүмкіндік беретін 11 тегін API қызметі іске асырылды. Егер тауар базада болса, кәсіпкерлер оның деректерін қайта қоспай-ақ пайдалана алады. Болашақта мемлекеттік сатып алуларға, субсидиялар немесе жеңілдіктер алуға қатысу кезінде компанияларға өндіруші және өнімнің сипаттамалары туралы кеңейтілген ақпараты бар тауардың толық карточкасын толтыру қажет болады.
«Ұлттық тауарлар каталогын енгізу сауданың барлық 20 саласын қамтиды және бірыңғай деректер стандартын әзірлейді, бұл басқарудың (мысалы, мемлекеттік жоспарлаудың) тиімділігін арттырады, сондай-ақ тұтынушыларды қорғайды, салық әкімшілігін жақсартады, ол анағұрлым ашық болады және бизнестің жұмысын жеңілдетеді», – деп қорытындылады Әсет Тұрысов.
