«Barakat Invest» Шымкентте жаңа зауыт салмақ

Қазақстандық “Баракат Инвест” компаниясы соңғы он жылдан бері бетон және құрғақ құрылыс қоспаларын өндіру саласында табысты жұмыс істеп келеді. Қазіргі таңда компания өндіріс көлемін арттырып, ел өңірлеріндегі құрылыс индустриясын дамытуға белсенді кіріскен.
⠀
Алдағы уақытта зауыттың ірі өндіріс жобасы — Шымкентте жүзеге асырылмақ. Инвестиция көлемі — 5,5 млрд теңгеге бағаланған.

Зауыт басшылығымен өткен кездесуде Шымкент қаласындағы индустриалды аймақтар туралы толыққанды ақпарат берілді. Және бос жер телімдері таныстырылды.

Аталған зауыт іске қосылса, 100–150 тұрақты жұмыс орны ашылады. Сонымен қатар, өңірде құрылыс материалдарын жергілікті деңгейде өндіруге мүмкіндік беріп, импортқа тәуелділікті азайтады.

Шымкенттің өндірістік әлеуеті мен географиялық артықшылықтарын ескерсек, бұл жоба өңір үшін стратегиялық маңызы бар қадам болмақ.