Xnews — ақпарат агенттігі Әлем және Қазақстанның соңғы жаңалықтары
Бүгін аудан әкімі Азат Оралбаев ауданға қарасты Бөржар ауылдық округіне арнайы барып, аумақтың инфрақұрылымын жақсарту және тұрғындардың ұсыныс-тілектерін орындау мақсатында жүргізіліп жатқан жұмыстарды қадағалады.
Ең алдымен қадағаланған негізгі шаруа – таза су мәселесі болды. Ауылдағы су мұнаралары мен сусорғылардың, жалпы ауызсу жүйесінің ағымдағы жағдайы назарға алынды. Аталған мәселе бойынша барлық тараптардың ұсыныстары сарапталып, жауапты қызметкерлер мен мердігерге нақты әрі жүйелі тапсырмалар берілді.
Сонымен бірге, ауылдың басқа да инфрақұрылымдық мәселелері сараланды. Аялдамаларды жаңарту, трансформатор орнату, бағаналарды ауыстыру сынды жұмыстар жоспарға енгізілді.
Қорытындылай келе, атқарылып жатқан жұмыстар уақтылы әрі сапалы, рет-ретімен жүргізілуі үшін жұмыс барысы қатаң бақылауда болатыны ескертілді.
Ордабасы ауданы әкімінің баспасөз қызметі
