Xnews — ақпарат агенттігі Әлем және Қазақстанның соңғы жаңалықтары
Қазақстан Республикасының Мәдениет және ақпарат министрлігі ұлттық телерадио хабарларын тарату операторын қоспағанда, спутниктік телерадио хабарларын тарату операторларының спутниктік қабылдау құрылғыларын іске асыруға жұмсалатын шығындарының бір бөлігін субсидиялау бағдарламасының басталғанын хабарлайды.
Бағдарламаның мақсаты – жеке және заңды тұлғаларды отандық спутниктік телерадио хабарларын тарату операторларының қабылдау құрылғыларын сатып алуға ынталандыру.
Бағдарлама аясында операторлар жабдықтарды орнатуға жұмсалған шығындардың бір бөлігін өтеу мүмкіндігіне ие болады.
Бұл шара азаматтардың телерадио хабарларын қабылдауға кететін шығындарын азайтып, отандық контенттің қолжетімділігін арттыруға бағытталған.
Субсидиялау мерзімі – 3 жылдан аспайды.
Жыл сайын 50 мыңнан аспайтын спутниктік қабылдау құрылғысын сату субсидияланады.
Процестің ашықтығы мен айқындығын қамтамасыз ету мақсатында министрлік жанынан тұрақты жұмыс істейтін комиссия құрылды.
Субсидиялауды ұсыну тәртібі Қазақстан Республикасы Мәдениет және ақпарат министрінің міндетін атқарушының 2024 жылғы 21 қарашадағы №551-НҚ бұйрығымен бекітілген.
Қосымша ақпаратты жергілікті уәкілетті органдардан немесе министрліктің ресми сайтынан алуға болады.
