Xnews — ақпарат агенттігі Әлем және Қазақстанның соңғы жаңалықтары
Түркістан облысы, Төлеби ауданында Ұлы Жеңістің 80 жылдығына орай, салтанатты жиын өтті.
Мерекелік іс-шара «Жеңіс» саябағындағы мәңгілік алауға гүл шоқтарын қоюдан басталды. Аудан әкімі Еркеғали Әлімқұлов, аудандық мәслихат төрағасы Нұрлан Қойбағаров, ардагерлер кеңесі, қоғамдық кеңес төрағалары, аудандағы зиялы қауым өкілдері қатысып, бабалар рухына тағзым етілді. Бір минут үнсіздік жарияланып, құран бағышталды.
Аудандық Мәдениет үйінде өткен салтанатты жиында аудан әкімі тыл еңбеккерлерін жеңіс мерекесімен құттықтады.
Аудан әкімі майдангерлердің ерлігі мен қайсарлығы ұрпақ жадында мәңгі сақталатынын айтып, ардагерлерді ұлықтап, құрметпен еске алу перзенттік парыз екенін жеткізді.
Шарада патриоттық әндер шырқалып, жиналғандарға рух пен көтеріңкі көңіл-күй сыйлады.
Түркістан облысы әкімінің баспасөз қызметі
