Xnews — ақпарат агенттігі Әлем және Қазақстанның соңғы жаңалықтары
Қазақстанда жер қойнауын тиімді пайдалану, талдау және инвестиция тарту үшін жаңа мүмкіндіктер ашатын бастапқы геологиялық ақпаратты цифрландыру бойынша ауқымды жоба белсенді түрде жүзеге асырылуда.
2024 жылдың соңына қарай қағаз құжаттар, графика, магниттік таспалар мен картридждерді қоса алғанда, геологиялық деректердің 1 905 976 бірлігі цифрлық форматқа сәтті ауыстырылды. Бұл цифрландырудың жалпы көлемінің 42%-ына қол жеткізуге мүмкіндік берді, бұл өткен жылғы көрсеткіштен екі еседен астам.
Барлығы 2023-2024 жылдар аралығында цифрландырылды:
- 2,7 млн бірлік геологиялық ақпарат,
- оның ішінде 2,47 миллионнан астам қағаз және графикалық тасымалдағыштар,
- 75 мыңнан астам магниттік таспалар,
- 50 мың картридж.
2025 жылы тағы 1,2 млн бірлікті цифрлық форматқа көшіру жоспарлануда, бұл цифрландыруға жататын ақпараттың жалпы көлемінің 86%-ын құрайтын көрсеткішке жетуге мүмкіндік береді.
Цифрлық геологиялық деректер базасы геологиялық барлау деректерінің ашықтығын, қолжетімділігін және тиімділігін арттырады, аналитиканың дамуына ықпал етеді және жер қойнауын пайдаланушылардың жұмысын жеңілдетеді. Сондықтан бұл жұмыстың стратегиялық маңызы бар.
Қазақстан геология саласында халықаралық стандарттарға сай заманауи цифрлық экожүйені құруға сенімді түрде қадам басып келеді.
Қазақстан Республикасы Өнеркәсіп және құрылыс министрлігі
