Xnews — ақпарат агенттігі Әлем және Қазақстанның соңғы жаңалықтары
Таяуда ҚР Қаржы министрлігінің өкілдері еліміздегі Біріккен Ұлттар Ұйымының Даму бағдарламасымен (БҰҰДБ) ұйымдастырылған тұрақты даму саласында басқару мен есеп-қисап жүргізу мәселелері жөніндегі семинарға қатысты.
Аталған семинарда халықаралық сарапшылар басқару мен ақпаратты ашу стандарттары арасындағы үйлесімді, сондай-ақ есеп-қисап жүргізудің ашықтығын нығайтатын стратегиялық құралы ретінде есеп жүргізудің маңыздылығы мен орнықты даму контекстінде тұрақты тәжірибелерді ілгерілетудің жолын көрсетті.
Бұл ретте ҚР Қаржы министрлігі орнықты даму жөніндегі қаржылық есептіліктің халықаралық стандарттарын сақтау жөніндегі талапты заңнамалық тұрғыда белгілеуді жоспарлап отырғанын айта кетейік.
Осы бағытта Қазақстанның бизнес құрылымдары мен кәсіби қауымдастықтардың тиісті мамандарын оқытуды қоса алғанда, мүдделі тараптармен жоғарыда аталған стандарттарды енгізуге байланысты талқылаулар өткізіліп келеді.
Қазақстан Республикасы Қаржы министрлігі
